Kürdəmirdə 34 yaşlı qadın bıçaqlanıb.
Oxu.az-ın məlumatına görə, hadisə rayonun Sor Sor kəndində baş verib.
Kənd sakini, 1994-cü il təvəllüdlü Sara Hüseynova döş qəfəsi və kürək nahiyəsindən bıçaq xəsarətləri ilə Kürdəmir Rayon Mərkəzi Xəstəxanasına yerləşdirilib.
İlkin ehtimala görə, qadın həyat yoldaşı Nizami Hüseynov tərəfindən bıçaqlanıb. Hadisənin ailə münaqişəsi nəticəsində baş verdiyi deyilir.
Polis əməkdaşlarının keçirdikləri əməliyyat tədbirləri ilə hadisəni törətməkdə şübhəli bilinən Nizami Hüseynov saxlanılıb.
Faktla bağlı araşdırma aparılır.
