Azərbaycan da daxil olmaqla dünyanın bir çox ölkələrində “Facebook”, “WhatsApp”, “Instagram”da yaranan problem aradan qaldırılıb.Senzor.az bildirir ki, təxminən altı saatdan sonra sözügedən sosial şəbəkə platformaları işləməyə başlayıb.
“Tətbiq və xidmətlərimizə girişi bərpa etmək üçün çox çalışdıq. Bizimlə birlikdə olduğunuz üçün təşəkkür edirik”- şirkətin “Tvitter”də yerləşdirdiyi məlumatda deyilir.
“Facebook”un texniki xidmət şöbəsinin rəhbəri Mayk Şrepfer özünün “Tvitter” hesabında bildirib ki, problemin yüz faiz həll olunması üçün müəyyən vaxt lazımdır.
** 02:00
“Facebook” və “Instagram” tətbiqlərinin işində yaranan problem tədricən bərpa olunmağa başlayıb.
Tətbiqlərin məlumat mərkəzləri işini artıq bərpa edib.
Hazırda iki tətbiqdən istifadə etmək mümkündür.
“WhatsApp”da mövcud olan problem aradan qaldırılmayıb.
**20:32 (04.10.2021)
“Facebook”, “WhatsApp”, “Instagram” kimi beynəlxalq platformalara girişdə problem yaranıb.
Senzor.az bildirir ki, bu barədə Nəqliyyat, Rabitə və Yüksək Texnologiyalar Nazirliyi məlumat yayıb.
Bildirilib ki, problem lokal deyil, qlobal xarakter daşıyır.
