Dünyanın müxtəlif ölkələrində "Facebook" sosial şəbəkəsinin işində nasazlıq yaranıb.Senzor.az bildirir ki, bu barədə məşhur internet resurslarının işində problemləri izləyən “Downdetector” saytı məlumat yayıb.
Problemlərdən daha çox ABŞ, Fransa, Almaniya, Böyük Britaniya, Kanada, İtaliya və digər ölkələrdən olan sosial şəbəkə istifadəçiləri şikayətlənirlər. İstifadəçilər əsasən öz hesablarına daxil olmaqda, həmçinin veb-saytın və sosial şəbəkə tətbiqinin işində problemlərlə üzləşiblər.
Onu da qeyd edək ki, "Facebook"un fəaliyyətində nazaslıqlar haqqında ilk məlumat Bakı vaxtı ilə təxminən saat 19-da yayılıb. Lakin saat 22:00-a qədər şikayətlərin sayı əhəmiyyətli dərəcədə artıb. Bununla yanaşı, messencerdə də bir sıra nasazlıqlar müşahidə olunur.
