Dünyanın ən varlı insanı İlon Maskın anası Mey Mask sosial şəbəkədə Azərbaycanla bağlı paylaşım edib. Senzor.az bildirir ki, xanım Mask “Instagram” səhifəsində yazıb: “Mən çox şadam ki, kitabım artıq Azərbaycanda nəşr olunub”.
O, həmçinin ölkəmizdə dərc olunan “Planla yaşayan qadın” kitabının üz qabığının fotosunu da paylaşıb.
Qeyd edək ki, 71 yaşlı Mey Mask Kanada əsilli cənubi afrikalı modeldir. Onun üç övladı var: İlon Mask, Kimbal Mask və qızı Toska Mask.
İlon Mask Cənubi Afrika Respublikasında doğulub, ABŞ-Kanadalı biznesmen, mühəndis, ixtiraçı və investordur. Hal-hazırda SpaceX-da icraçı (CEO) və texniki (CTO) direktor, Tesla Motors-da icraçı direktor (CEO) və SolarCity-nin sədridir. O, Paypal, SpaceX, Tesla Motors və Zip2 şirkətlərinin qurucusudur. “Forbes” jurnalının “The World`s Real-Time Billionaires” reytinqinə əsasən İlon Maskın varidatı 315,2 milyard dollar həcmində qiymətləndirilir.
