Ermənistana qaz nəqli müvəqqəti olaraq dayandırılıb.
Senzor.az yerli KİV-ə istinadən bildirir ki, bu barədə "Qazprom Ermənistan" şirkəti məlumat yayıb.
Buna səbəb Gürcüstan ərazisində fövqəladə bərpa işlərinin aparılması göstərilib.
"İşlər "Qırmızı Körpü-Sevkar-Berd" tranzit magistral qaz kəmərində aparılacaq, bununla əlaqədar avqustun 22-si səhər saat 6:00-dan etibarən qaz tədarükü 24 saat müddətinə dayandırılır", - deyə məlumatda bildirilib.
Həmçinin qeyd edilib ki, istehlakçıların qaz təchizatı daxili ehtiyatlar və İrandan əlavə həcmdə təbii qaz tədarükü sayəsində təmin olunur.
