Ermənistan prezidenti Vaaqn Xaçaturyan Londondakı Vestminster sarayında Böyük Britaniya kraliçası II Elizabetin tabutu önündə şəkil çəkdirib və bununla da monarxla ictimai vidalaşmanın müəyyən edilmiş qaydalarını pozub.

TASS-ın məlumatına görə, bazar günü eyniadlı sarayın Vestminster zalına gələn Xaçaturyan əvvəlcə yüksək səslə danışıb, köməkçiləri ilə zarafatlaşıb. Sonra köməkçilərindən biri cənazə önündə baş əyərkən prezidentin fotolarını çəkib. 

Qeyd edək ki, sözügedən hadisə Kraliça ilə vidalaşma zamanı foto çəkilişinə qoyulan qadağanın pozulması ilə bağlı ilk hadisə olub.