Kayseri Vəkillər Kollegiyasının ümumi yığıncağında söz alan vəkil Eylem Sarıoğlunun başçılıq etdiyi bir qrup vəkil “qadınların vəkillər kollegiyasında kifayət qədər təmsil olunmamasına” diqqət çəkmək üçün “saç kəsimi” aksiyası keçirib.
Musavat.com xəbər verir ki, Kayseri Vəkillər Kollegiyasının ümumi yığıncağı Kadir Has Mədəniyyət Mərkəzində keçirilib. Vəkillər Kollegiyasının sədrliyi üçün hazırkı prezident Əli Köse, idarə heyəti üzvləri Oğuz Erinç və Mehmet Özer qarşısında söz alan qadın vəkillərdən Eylem Sarıoğlu, qadınların vəkil kollegiyasında kifayət qədər yer almamasına münasibət bildirib. 
Vəkil Sarıoğlu Türkiyədə qadın vəkillərin sayı barədə məlumat verib: "Hazırda Türkiyədə 161 min 15 vəkil var. Onların 74 min 483-ü qadındır. Yəni onların 46,3 faizi qadındır. Halbuki 81 Vəkillər Kollegiyasının yalnız 9 sədri qadındır. TBB Nümayəndə sayı 348 nəfərdir. Onlardan yalnız 55-i qadındır. Haqqımızdan əl çəkməyəcəyik. Bundan sonra Kayseri Vəkillər Kollegiyasında da qadın prezident olmalıdır. Bu gün ilk dəfə olaraq qadın prezident tələb olunur. Şura sədri qadındır, lakin hələ də qadın təmsilçiliyi çox azdır. Bütün qadınları buradan İrana salam göndərərək aksiyama dəstək olmağa dəvət edirəm”.
Vəkil Eylem Sarıoğlu çıxışından sonra saçını kərərək Kayseri Vəkillər Kollegiyasına və dünyada qadınlara qarşı ayrı-seçkilik və zorakılığa etiraz edib. Digər namizədlərin idarə heyətinə namizədlər siyahısında olan bir çox qadın Sarıoğlunu dəstəkləyərək saçlarını kəsib. Salonda olan kişi vəkillər isə “saç kəsmə” aksiyasını alqışlarla dəstəkləyiblər.
