Bakı-Sumqayıt yolunda ard-arda beş maşın vuran sürücü hadisənin necə baş verdiyi barədə danışıb.
Baku.TV-yə açıqlama verən sürücü Elməddin Abbasov deyib ki, özü şəkər xəstəsidir və meyvə alveri ilə məşğuldur: “2009-cu ildən şəkər xəstəliyindən əziyyət çəkirəm. Məndə şəkər qalxıb-düşür. Ona görə də cibimdə həmişə konfet gəzdirirəm. Hadisə günü işimlə əlaqədar “Meyvəli” bazarından çıxandan sonra bir konfet yeyib yola düşmüşəm. 6-cı mikrorayona getməli idim, gedib çıxmışam Sumqayıta. Sosial şəbəkələrdə bilib-bilmədən danışanlara demək istəyirəm ki, şəkər xəstəsiyəm və komada olmuşam”.
Sürücü onu da əlavə edib ki, işi maşınla meyvə alıb-satmaqdır: “Bugünə qədər belə bir problem yaşamamışdım. Ailəmi, uşaqlarımı bu iş sayəsində dolandırıram”.
Daha ətraflı Baku.TV-nin süjetində:
