Gədəbəydə piyadaların vurulması ilə nəticələnən yol-nəqliyyat hadisəsi baş verib.
Senzor.az-ın məlumatına görə, DİN Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov bildirib ki, hadisə rayonunun Zəhmət kəndində qeydə alınıb.
“Volkswagen Passat” markalı avtomobil 2 azyaşlı məktəblini vurub. Məktəblilər dərhal Gəncə şəhər xəstəxanasına çatdırılıb. Faktla bağlı Gədəbəy Rayon Polis Şöbəsində müvafiq araşdırmalar başladılıb. Məsələyə araşdırmaların nəticəsindən asılı olaraq hüquqi qiymət veriləcək.
