Göygöldə gənc qadın dərman içərək özünü zəhərləyib.
APA-nın məlumatına görə, hadisə rayonun Qızılca kəndində qeydə alınıb.
Yaxınları 21 yaşlı İ.Əliyevanı ağır vəziyyətdə xəstəxanaya çatdırıblar. Amma həkimlərin bütün tibbi yardımlarına baxmayaraq, gənc qadın orada dünyasını dəyişib.
Onun meyti müayinə olunmaq üçün Məhkəmə-Tibbi Ekspertiza və Patoloji Anatomiya Birliyinin rayon şöbəsinə aparılıb.
Faktla bağlı Göygöl Rayon Prokurorluğunda araşdırma aparılır.
