Tovuzda rayonun “Bazar” adlanan ərazisi yaxınlığında ağır yol qəzası baş verib.
Senzor.az bildirir ki, “VAZ-2107” markalı avtomobil “Mercedes” markalı mikroavtobusla toqquşub.
Daxili İşlər Nazirliyi Mətbuat Xidmətinin Gəncə regional qrupunun baş inspektoru Eşqin Qasımovun verdiyi məlumata görə, hadisə nəticəsində avtomobildə olan sərnişin, Bayramlı kənd sakini, 1976-cı il təvəllüdlü Alıyev Asif Mansur oğlu ölüb.
2001-ci il təvəllüdlü Alıyev Mansur Asif oğlu və həmkəndlisi, 1981-ci il təvəllüdlü İsgəndərov Bayram Mahir oğlu isə müxtəlif dərəcəli bədən xəsarətləri alıblar.
DİN rəsmisinin sözlərinə görə, mikroavtobusda sərnişin olmayıb və sürücüsü xəsarət almayıb.
Faktla bağlı araşdırma aparılır.
