DÇ-2022-nin mükafatlandırma mərasimində Argentina millisinin kapitanı Lionel Messinin geyindiyi üst geyimi diqqət çəkib.
AzVision.az xəbər verir ki, Qətər əmiri Təmin bin Həməd əs-Saninin Messiyə hədiyyə etdiyi bu geyim "Bişt" adlanır.
Qətər kişilərinin geyindiyi və ərəb mədəniyyətini simvolizə edən bu geyim ən dəbdəbəli parçadan hazırlanır və yalnız mühüm bayramlarda nazirlər, eləcə də digər vəzifəli şəxlər tərəfindən geyinilir. Ərəb mədəniyyətinə görə, sözügedən libası geyinmək üçün bu şərəfə nail olmaq lazımdır.
Xatırladaq ki, Argentina finalda penaltilər seriyasında Fransaya qalib gələrək mundialın qalibi olub. 35 yaşlı Messi turnirin ən yaxşı oyunçusu seçilib.
