Azərbaycanda daha bir həkim koronavirusdan vəfat edib.
Senzor.az bildirir ki, bu barədə Azərbaycan Tibb Universiteti (ATU) Mətbuat xidmətinin rəhbəri Günel Aslanova məlumat yayıb.
Bildirilib ki, ATU-nun yoluxucu xəstəliklər kafedrasının dosenti, infeksionist İlham Bayramov dünyasını dəyişib.
O, uzun müddətdir koronavirusdan müalicə olunsa da, terminal koma durumuna düşərək vəfat edib.
Qeyd edək ki, dünən Əziz Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) Anesteziologiya və reanimatologiya kafedrasının dosenti, Əməkdar həkim Aydın Qədirov da COVID-19 səbəbindən həyatını itirmişdi.
