"Vaxtanq son on ildir ki, dializdədir. Həkimlər mümkün olan hər şeyi etdilər. Amma o, dünyasını dəyişdi".
Bunu Gürcüstanın Xalq artisti, tanınmış aktyor və müğənni Vaxtanq Kikabidzenin yaxın dostu Nana Kelaprişvili MK.RU-ya müsahibəsində aktyorun həyatının son saatlarından danışaraq onun reanimasiyada dünyasını dəyişdiyini bildirib.
Kelaptrişvili etiraf edib ki, mərhum aktyorun yaxınlarının vəziyyətini sözlə ifadə etmək mümkün deyil.
"Vaxtanq çətin günlər yaşayırdı. Hətta qastrol səfərindən bir gün sonra dializə getməyə məcbur olurdu. Yalnız səhnədə özünü əla hiss edirdi. Bizi böyük insan tərk edib", - o əlavə edib.
Vətəndaşların anım mərasimi ilkin məlumata görə, yanvarın 19-da keçiriləcək.
Xatırladaq ki, Gürcüstanın Xalq artisti, tanınmış aktyor və müğənni Vaxtanq Kikabidze 84 yaşında Gürcüstanda vəfat edib.
Bu barədə Gürcüstanın “Mtavari Arxi” telekanalı məlumat yayıb.
**14:50
Gürcüstanın Xalq artisti, tanınmış aktyor və müğənni Vaxtanq Kikabidze vəfat edib.
Senzor.az xəbər verir ki, bu barədə Gürcüstanın "Mtavari Arxi" televiziyası məlumat yayıb.
