Türkiyənin Azərbaycandakı səfirliyi Azərbaycan mətbuatında Türkiyədə zəlzələdə valideynlərini itirmiş uşaqların azərbaycanlılar tərəfindən himayəyə götürülməsi məsələsi ilə bağlı məlumat yayıb.
APA xəbər verir ki, açıqlamada sözügedən təklifin hörmətlə qarşılandığı qeyd olunub.
“Ölkəmizdə baş verən zəlzələlərlə əlaqədar Azərbaycan mətbuatında yer alan bəzi xəbərlərlə bağlı uşaqlarımız üçün “Azərbaycan vətəndaşları himayədar ailə ola bilər” mövzusunda fikirlər yayılıb. Türkiyə Cümhuriyyəti Ailə və Sosial Xidmətlər Nazirliyinin zəlzələdə zərər görən uşaqların himayəyə verilməsi ilə bağlı məlumatı sadəcə Türkiyədə yaşayan vətəndaşlarımıza aiddir. Uşaqlarımızın ölkə xaricində hər hansısa bir ailəyə verilməsi, yaxud övladlığa götürülməsi məsələsi müzakirə mövzusu deyil”, – məlumatda vurğulanıb.
