"Qardaş ölkənin təmsilçiləri olaraq Kahramanmaraşda olmağınızdan çox xoşbəxtik".
Bunu zəlzələ baş verən Kahramanmaraşa səfər edən Türkiyə səhiyyə nazirinin müavini Tolqa Tolunay jurnalistlərə açıqlamasında deyib.
O bildirib ki, Azərbaycanın bu çətin zamanlarda göstərdiyi birlik çox önəmlidir: "Siz bizim, biz də sizin yanınızdayıq. Biz qardaşıq, birlikdə güclüyük. Bu çətin günlərdə bərabər qalib gələcəyik!”
Nazir müavini qeyd edib ki, hazırda zəlzələ baş verən ərazidə hansısa yoluxucu xəstəlik yayılmayıb, lazımı tədbirlər görülür: "Hazırda ərazidə işlərimizi görürük. İnanırıq ki, yoluxucu xəstəliklər olmayacaq. Əlimizdən gələn hər şeyi edirik".(APA)
