Təzəpir məscidində Qafqaz Müsəlmanları İdarəsinin (QMİ) təşkilatçılığı ilə bu qurumun Qazılar Şurasının üzvü Hacı Şahin Həsənlinin anım mərasimi keçirilib.
Senzor.az bildirir ki, mərasimdə QMİ sədri Şeyxülislam Allahşükür Paşazadə, sədrin birinci müavini, müfti Salman Musayev, mərhumun ailə üzvləri, Azərbaycanın müxtəlif regionlarından olan din xadimləri və alimlər iştirak ediblər.
Tədbirdə mərhumun ruhuna Qurani-Kərim oxunub, dualar edilib, ehsan verilib.
Qeyd edək ki, tanınmış ilahiyyatçı Hacı Şahin Həsənli martın 2-də 48 yaşında vəfat edib. Onun ürəktutmasından dünyasını dəyişdiyi bildirilib. QMİ sədri A.Paşazadə ABŞ-da səfərdə olduğundan Hacı Şahinin dəfn və yas mərasimində iştirak edə bilməmişdi.
