Ramazan bayramı münasibətilə pulsuz 50 GB internet paketi qazanmağı vəd edən saxta kampaniya barədə mesajlara etimad etməyin.
Senzor.az bildirir ki, Elektron Təhlükəsizlik Xidmətinin yaydığı xəbərdarlıqda belə deyilir.
Qeyd olunur ki, vatsap tətbiqi vasitəsilə göndərilən bu mesajlarda istifadəçilərdən ilkin olaraq mobil nömrələrini daxil etmələri, daha sonra isə kampaniya barədə məlumatı ən azı 12 vatsap istifadəçisi və yaxud qrupu ilə paylaşmaları tələb olunur.
Elektron Təhlükəsizlik Xidməti vətəndaşlara bu kimi saxta kampaniyalara inanmamağı, keçidlər vasitəsilə fərdi məlumatlarını daxil etməməyi tövsiyə edir.
