İndiyə qədər 69 əfv sərəncamı imzalanıb, 12 Amnistiya aktı qəbul edilib.
Bunu Ombudsman Səbinə Əliyeva Prezident İlham Əliyevin Ümummilli Lideri Heydər Əliyevin 100 illik yubileyi münasibətilə bu gün imzaladığı əfv sərəncamının icrası zamanı deyib.
O bildirib ki, bu gün imzalanan sənəd əhatəsinə görə ən geniş əfv sərəncamıdır: “Bu gün çox sevincli gündür. Əfv sərəncamı birbaşa Ümummilli lider Heydər Əliyevin adı ilə bağlıdır. Onun siyasətinin layiqli davamçısı İlham Əliyev də Ulu öndərin 100 illiyi ilə bağlı əfv sərəncamı imzaladı. Ombudsman olaraq sərəncama görə təşəkkürümü bildirirəm".
Səbinə Əliyeva qeyd edib ki, Ombudsmanın vəsatəti ilə indiyə qədər 864 nəfər əfvə düşüb: "Bu sərəncamda isə 59 nəfər məhkum Ombusmanın vəsatəti ilə azadlığa buraxılır".
