Azərbaycan Respublikası Narkoloji Dispanserində vətəndaşların heç bir testdən keçmədən arayış alması ilə bağlı məlumatlar yayılıb.
Senzor.az xəbər verir ki, iddialarla bağlı Baku TV-nin çəkiliş qrupu dispanserdə olub və süjet hazırlayıb.
Süjetdən görünür ki, müxbir gizli çəkiliş edərək saxta arayış ala bilir və buna görə xəstəxana personalına 10 AZN ödəniş edir.
Həmçinin Mərkəzin direktoru Qalib Məmmədov arayış almaq üçün hər hansı məbləğ alındığını təkzib edib. Arayış yazan əməkdaş otağa dəvət edilib, lakin o, arayış üçün pul istədiyini inkar edib.
Çəkiliş zamanı dispanser əməkdaşlarından biri Baku TV-nin kamerasının işığını sındırıb. Media əməkdaşlarının avadanlığına ziyan vurulması ilə bağlı Yasamal Rayon Prokurorluğunda araşdırmalara başlanılıb.
Ətraflı süjeti təqdim edirik:
