Şəmkir rayonunun Əliyaqublu kəndində qonşular arasında münaqişə olub, onlardan biri bıçaq xəsarəti alıb.

"Report"un məlumatına görə, bıçaq xəsarəti alan 1965-ci il təvəllüdlü Ş.Rəfiyev yaxınları tərəfindən xəstəxanaya çatdırılıb.

Onun vəziyyəti kafi qiymətləndirilir.

Zərərçəkmişin yaxınlarının bildirdiyinə görə, ona dava zəminində qonşusu xəsarət yetirib.

Qeyd edək ki, tərəflər həm də qohumdurlar və hadisədən sonra xəstəxanaya gedən qohumlar arasında xəstəxana önündə də mübahisə yaşanıb.

Hadisənin başvermə səbəbi hələ məlum deyil.

Faktla bağlı araşdırma aparılır.