Fövqəladə Hallar Nazirliyinin (FHN) "112" qaynar telefon xəttinə İsmayıllı rayonu istiqamətində dağlıq ərazidə iki vətəndaşın köməksiz vəziyyətdə qalması barədə məlumat daxil olub.

Senzor.az bildirir ki, FHN-dən verilən xəbərdə belə deyilir. 

Dərhal köməksiz vəziyyətdə qalan şəxslərlə rabitə əlaqəsi yaradılıb və koordinatları müəyyən edilərək aidiyyəti üzrə ötürülüb.

Hazırda vətəndaşlar Elnur Nəciyevin və Emil Cəbrayılovun aidiyyəti qurumlarla koordinasiyalı şəkildə təxliyə edilməsi istiqamətində işlər aparılır.

Qeyd edək ki, daha öncə sözügedən şəxslərin alim olduqları və İsmayıllı rayonu ərazisində itkin düşmələri barədə xəbər yayılmışdı.

**21:50

Azərbaycanda iki gənc alim itkin düşüb.

Senzor.az-ın məlumatına görə, Elnur Nəciyev və Emil Cəbrayılov Quba-İsmayılı istiqamətində yoxa çıxıblar.

Daxili İşlər Nazirliyi Mətbuat Xidmətinin regional qrupundan bildirilib ki, qeyd olunan şəxslərlə bağlı polisə müraciət edilib, barələrində axtarış elan olunub və tapılmaları istiqamətində tədbirlər görülür.

 Elnur Nəciyev

                   Emil Cəbrayılov