Gürcüstanda pandemiya başlayandan bu günədək 100 min uşaq koronavirusa yoluxub. Onlardan 8-i pandemiyanın qurbanı olub.Senzor.az yerli KİV-ə istinadən bildirir ki, bu barədə ölkənin Xəstəliklərə Nəzarət Milli Mərkəzinin rəhbəri Amiran Qamkrelidze məlumat verib.
Onun sözlərinə görə, Gürcüstanda koronavirusa yoluxan 700 mindən çox insanın 100 minini uşaqlar təşkil edir. Bu da olduqca təhlükəli tendensiyadır.
Mərkəz rəhbəri uşaqların vaksinasiyası ilə bağlı valideynlərə müraciət edib və onları uşaqlarını koronavirusa qarşı peyvənd etdirməyə çağırıb.
Bildirib ki, vaksinasiya olunmuş insanlar peyvənd vurdurmayan insanlardan 9 dəfə az yoluxur. Peyvənd olunan insanlar arasında ölüm halları da olduqca azdır.
