Bakıda anası tərəfindən atılmış uşaq sığınacağa yerləşdirilib.
“Qafqazinfo” xəbər verir ki, ötən gecə paytaxt ərazisində naməlum qadın övladını taksidə qoyaraq aradan çıxıb. O, sürücüyə su alıb qayıdacağam desə də geri dönməyib.
Taksi sürücüsü hadisə ilə bağlı polisə müraciət edib. Polisin müşayiəti ilə azyaşlı “Qadın və Uşaq Sığınacağı”na yerləşdirilib.
Sığınacaqdan bildirilib ki, uşaq qidalanıb və orada ona yer ayrılıb, səhhətində hər hansı problem yoxdur.
Məsələ ilə bağlı DİN-in Mətbuat xidmətindən saytın sorğusuna cavab olaraq bildirilib ki, hadisə ilə bağlı araşdırma aparılır.
