Azərbaycanın Əməkdar artisti Aygün Bəylər (Hümmətova) vida mərasimindən sonra Suraxanı kənd qəbiristanlığında torpağa tapşırılıb.
Senzor.az bildirir ki, dəfn mərasimində A.Bəylərin ailə üzvləri, sənət adamları iştirak ediblər.
**11:16
Bakının Əmircan qəsəbəsində yerləşən Səttar Bəhlulzadə adına Mədəniyyət Evində Azərbaycanın Əməkdar artisti Aygün Bəylərlə (Hümmətova) vida mərasimi keçirilir.
Senzor.az bildirir ki, mərasimdə mərhumun ailə üzvləri, Mədəniyyət Nazirliyinin rəsmiləri, sənət adamları iştirak edirlər.
Bu arada Azərbaycanın Birinci vitse-prezidenti Mehriban Əliyeva Əməkdar artist Aygün Bəylərin vida mərasiminə əklil göndərib.
Əklil mərhumun məzarının üzərinə qoyulacaq.
Qeyd edək ki, A.Bəylər 1975-ci ildə Bakıda anadan olub. O, uzun müddət onkoloji xəstəlikdən müalicə olunurdu. Əməkdar artist yanvarın 7-də Ankarada müalicə aldığı xəstəxanada vəfat edib.
Əməkdar artist vida mərasimindən sonra Suraxanı kənd qəbiristanlığında dəfn olunacaq. 
**21:54(07.01.2024)
Mərhum Əməkdar artist Aygün Hümmətova (Bəylər) ilə vida mərasimi sabah saat 11:00-da Əmircan qəsəbəsində yerləşən Səttar Bəhlulzadə adına Mədəniyyət evində keçiriləcək.
Senzor.az bildirir ki, bu barədə sənətçinin yaxınları məlumat veriblər.
Vida mərasimindən sonra mərhum saat 13:00-da Suraxanı kənd qəbiristanlığında dəfn ediləcək.
Qeyd edək ki, A.Bəylər 1975-ci ildə Bakıda anadan olub. O, uzun müddətdir onkoloji xəstəlikdən müalicə olunurdu. Əməkdar artist ötən gecə Türkiyədə xəstəxanada vəfat edib.
