Yazıçı-jurnalist Həmid Herisçi xəstəxanaya yerləşdirilib.
Senzor.az bildirir ki, bu barədə onun həyat yoldaşı İlhamiyyə Rza sosial şəbəkədə məlumat yayıb.
O, Həmid Herisçinin qızılcaya yoluxduğunu yazıb: “Həmid modul tipli xəstəxanaya yerləşdirilib. Ümid edirəm ki, dualarınızla tezliklə sağalacaq”.
Bu arada TƏBİB-dən bildirilib ki, 1960-cı il təvəllüdlü Həmid Herisçi təcili tibbi yardım avtomobili vasitəsilə bu gün saat 18:15 radələrində qızılca diaqnozu ilə Sabunçu Tibb Mərkəzinin nəzdində olan Məhəmmədi modul tipli xəstəxanaya yerləşdirilib. Ona zəruri tibbi xidmətlər göstərilib, hazırda müalicəsi davam etdirilir.
