Rusiyanın Qaraçay-Çərkəz Respublikasındakı Azərbaycan diasporunun sədri İlham Əhmədovun oğlu Kamal dostları ilə birlikdə Çerkessk küçələrində atəş açıb.
“Qafqazinfo” xəbər verir ki, bu barədə “SHOT” teleqram kanalı məlumat yayıb.
“Restoranın qarşısında üzərində Azərbaycan bayraqları olan bir neçə bahalı xarici avtomobildən ibarət kortej dayanıb, 10 nəfər gənc çıxıb, avtomat və tapançalardan atəş açmağa başlayıb. Atışma yerli sakinləri qorxudub”, - məlumatda deyilir.
Nəşrin məlumatına görə, K.Əhmədov dostları ilə birlikdə onlardan birinin toyunu qeyd edib, bundan sonra polis əməkdaşına tabe olmamaqda ittiham edilərək saxlanılıb.
