Türkiyənin ilk kosmonavtı Alper Gezeravcı Yerə enib.
Bu barədə Türkiyə KİV-i məlumat yayıb.
Qeyd edək ki, A.Gezeravcının kosmosa səyahəti yanvarın 19-da başlayıb. O, bir sıra təcrübələr həyata keçirib.
Kosmonavtın dünyaya qayıdışı əlverişsiz hava şəraiti səbəbindən indiyədək üç dəfə təxirə salınıb.
**16:12
Türkiyəli astronavt Alper Gezeravcının da daxil olduğu Ax-3 kosmik heyətin bu gün Türkiyə vaxtı ilə 16:22-də Yer planetinə qayıtması gözlənilir.
Yerli KİV xəbər verir ki, planlaşdırılan eniş ABŞ-ın Florida ştatının şərqində Atlantik okeanında və qərbdə Meksika körfəzində yerləşən yeddi potensial eniş nöqtəsindən birində həyata keçiriləcək.
Xatırladaq ki, 2023-cü il sentyabrın 12-də NASA və “Axiom Space” Alper Gezeravcı da daxil olmaqla, “SpaceX AX-3” kommersiya missiyasının ekipajının formalaşdırıldığını elan edib. 2024-cü il yanvarın 18-də türkiyəli astronavt missiyanın mütəxəssisi qismində “Crew Dragon” kosmik gəmisi ilə Beynəlxalq Kosmik Stansiyaya uçub.
