Dünən günorta saatlarından Abşeron rayonunda 2010-cu təvəllüdlü iki məktəblinin itkin düşməsi üzrə daxil olan məlumat üzrə dərhal polis əməkdaşları tərəfindən axtarış elan edilib.

Senzor.az bildirir ki, bu barədə jurnalistlərə Daxili İşlər Nazirliyi (DİN) Mətbuat Xidmətinin əməkdaşı Nurlan Əliyev açıqlama verib.

O qeyd edib ki, məktəblilər ailə üzvlərini məlumatlandırmadan Kürdəmir rayonuna nənələrinin yanına gediblər. Əməldə hər hansı kriminal tərkib yoxdur.

**10:18

Abşeronda itkin düşən məktəbli qızlar tapılıb.

Senzor.az bildirir ki, bu barədə KİV-in sorğusuna cavab olaraq Abşeron-Xızı Regional Təhsil İdarəsindən məlumat verilib.

**01:04

Abşeronda 2 məktəbli qız itkin düşüb.

"Report" bildirir ki, hadisə dünən baş verib.

Belə ki, Masazır kənd 3 nömrəli tam orta məktəbin 8-ci sinif şagirdləri – Saray Məmmədli və Aydan Muradzadə günorta saat 14  radələrində dərsdən çıxıb və bir daha geri qayıtmayıblar.

Onların evə qayıtmadığını görən valideynləri dərhal Abşeron Rayon Polis İdarəsinə məlumat veriblər.