Gədəbəy rayonunda yeddi nəfər dəm qazından zəhərlənib.
"Report"un məlumatına görə, Gədəbəy şəhərində bir nəfər - 1955-ci il təvəllüdlü M.Hüseynov, Qaradağ kəndində 1 ailənin 4 üzvü - 1994-cü il təvəllüdlü Z.Qasımlı, 1995-ci il təvəllüdlü S.Məmmədli, 2018-ci il təvəllüdlü E.Məmmədli və 2016-cı il təvəllüdlü S.Məmmədli dəm qazından zəhərlənib.
Həmçinin, rayonun Gərgər kəndində 2 nəfər dəm qazından zəhərlənib.
Zərərçəkənlər xəstəxanaya çatdırılıb, onlara tibbi yardım göstərilib və daha sonra evə buraxılıblar.
Faktla bağlı araşdırma aparılır.
