Martın 26-da Gürcüstanın qərbində yerləşən Kobuleti kurort kəndində 5 məktəbdə tədris prosesi dayandırılıb və şagirdlər çıxarılıblar.
Senzor.az yerli KİV-ə istinadən bildirir ki, buna səbəb sosial şəbəkədə məktəblərə mümkün hücumla bağlı məlumatların yayılması olub.
Məktəblilər həmin məlumatlar barədə direktorlarına məlumat veriblər.
Dərhal 5 məktəbdə tədris prosesi dayandırılıb, müəllim və şagirdlər çıxarılıblar.
Bu gün, həmçinin paytaxt Tbilisidəki 32 saylı məktəbdə də gözyaşardıcı qazla bağlı təhlükə yaranıb. Şagirdlərdən biri məktəbdə ətrafa gözyaşardıcı toz səpib və nəticədə bir neçə şagirdin halı pisləşib. Təcili yardım briqadaları şagirdlərə tibbi yardım göstəriblər.
Gürcüstan Daxili İşlər Nazirliyi məktəbdə araşdırma aparır.
