İmişli rayon mərkəzində şəhər əhalisini təbii qazla təmin edən, diametri 325 mm olan polad borunun yerüstü keçid hissəsi avtoqəza nəticəsində sıradan çıxıb.Senzor.az bildirir ki, bu barədə “Azəriqaz” İstehsalat Birliyindən məlumat verilib.
Məlumata görə, nəticədə 11 min abunəçinin qazla təchizatında fasilə yaranıb.
Qəza nəticəsində qaz xəttinin üzərində diametri 150 və 300 mm olan siyirtmə və qaz tənzimləyici tamamilə sıradan çıxıb. Hazırda sözügedən ərazidə qaz təchizatında yaranan fasilənin tezliklə aradan qaldırılması məqsədi ilə "Azəriqaz" əməkdaşları qəza-bərpa işlərini davam etdirirlər.
Daha ətraflı video materialdan izləyə bilərsiz:
