Bakıda “Toyota Prius” markalı avtomobillə təhlükəli hərəkətlər edən sürücü həbs olunub.
Bu barədə avtosfer.az-a Bakı Şəhər Dövlət Yol Polisi İdarəsinin bölmə rəisi polis kapitanı Toğrul Nəsirli məlumat verib. O bildirib ki, sürücü barəsində Nərimanov Rayon Məhkəməsinin qərarı ilə 15 günlük müddətə inzibati qaydada həbs tətbiq edilib.
Qeyd edək ki, 77-FX-867 dövlət nömrə nişanlı “Toyota Prius” markalı avtomobilin sürücüsü sükan çənbərini ayağıyla idarə edib. Eyni zamanda o, sosial şəbəkə hesabında avtomobili hərəkətə gətirərək sükanı tərk edən başqa bir şəxsin görüntüsünü də paylaşıb.
