Qarabağ Universitetinin Beynəlxalq dil mərkəzinə direktor seçilib.
Senzor.az xəbər verir ki, Qarabağ Universitetinin rektoru Şahin Bayramovun əmri ilə Ramil Hacıyev Beynəlxalq dil mərkəzinə direktor təyin olunub.
Qeyd etmək lazımdır ki, R.Hacıyev Türkiyənin 19 May Universitetində "İngilis dili müəllimliyi" ixtisası üzrə bakalavr, "Xarici dilin tədrisi metodologiyası" ixtisası üzrə magistratura təhsilini tamamlayıb. Hazırda təhsilini doktorantura davam etdirir. R.Hacıyev "British School", SABAH qrupları və Azərbaycan Dövlət İqtisadiyyat Universitetinin Beynəlxalq İqtisadiyyat Məktəbində müxtəlif proqramlar üzrə dərsləri tədris edib. Həmçinin müxtəlif universitetlərin dil proqramlarında müəllim, direktor və müdir direktor vəzifələrində çalışıb. O, London Biznes Mərkəzi, Arizona Dövlət Universiteti, Oxford Kolleci və digər nüfuzlu təhsil müəssisələrinin təşkili təlimlərdə və ixtisasartırma proqramlarında iştirak edib.
