Sabirabadda avtomobil qaz xəttinə çırpılıb.APA xəbər verir ki, hadisə Hacıqabul-Bəhrəmtəpə magistralının Sabirabad rayonu Nərimankənd kəndi ərazisindən keçən hissəsində qeydə alınıb.
Kəskin dumanlı havada Qaratəpə kənd sakini, 63 yaşlı Həbibov Qəhrəman İsgəndər oğlu idarə etdiyi “VAZ” markalı avtomobili qaz xəttinə çırpıb. Sürücü hadisə yerində ölüb.
Onun avtomobildə sıxılmış meyiti FHN Sabirabad YMX əməkdaşları tərəfindən xüsusi avadanlığın köməyi ilə çıxarılıb.
Faktla bağlı araşdırma aparılır.
