Oğuz rayonunun Xaçmaz kəndində yerləşən evlərin birindən oğurluq edilib.
DİN-in Mətbuat Xidmətinin Şəki regional qrupundan Senzor.az-a verilən xəbərə görə, ev sahibi 2000 manat pulunun, qızıl-zinət və məişət əşyalarının naməlum şəxs tərəfindən oğurlanması barədə polisə məlumat verib.
Rayon polis şöbəsi əməkdaşlarının həyata keçirdikləri tədbirlərlə zərərçəkmişin, oğurluq əməlini törətməkdə şübhəli bilinən həmkəndlisi, əvvəllər də məhkum olunmuş Polad İbrahimov saxlanılıb.
O, oğurladıqlarının bir qismini Gəncə və Qəbələdə satdığını bildirib.
Faktla bağlı cinayət işi başlanılıb, məhkəmənin qərarı ilə P.İbrahimov barəsində həbs qətimkan tədbiri seçilib.
Araşdırmalar davam etdirilir.
