Sosial şəbəkələrdə Azərbaycanda kişinin döyülərək alçaldılması və maşının baqajında aparılmasını əks etdirən görüntülər yayılıb.
“Qafqazinfo” xəbər verir ki, görüntülərin Ağcabədi rayonunda qeydə alındığı bildirilib.
Məlumata görə, hadisə qısqanclıq zəminində baş verib və 2 nəfər bir kişini döyərək “Toyota Prado” markalı avtomobilin baqajında harasa aparıb. Daha sonra onlar həmin şəxsi baqajdan endirərək alçaldıcı hərəkətlərə davam ediblər.
Daxili İşlər Nazirliyi Mətbuat Xidmətinin Bərdə regional qrupundan bildirilib ki, əməli törədən şəxslər polis əməkdaşları tərəfindən müəyyən olunaraq saxlanılıblar.
Faktla bağlı araşdırma aparılır.
