Paytaxtda avtomobildə üzərində güllə xəsarətləri olan meyit tapılıb.
“Qafqazinfo” xəbər verir ki, hadisə dünən saat 21 radələrində Binəqədi rayonunun Goradil qəsəbəsi ərazisində, dəniz sahilində baş verib.
Belə ki, Abşeron rayon sakini, 1975-ci il təvəllüdlü Yalçın Xanış oğlu Cəfərovun “Honda” markalı avtomobilində üzərində güllə xəsarətləri olan meyiti tapılıb. Hadisə yerindən 1 ədəd nömrəsi silinmiş ov tüfəngi aşkar edilib.
İlkin araşdırmalardan sonra Y.Cəfərovun maşında özünü güllələyərək intihar etdiyi bildirilib.
Faktla bağlı Binəqədi Rayon Prokurorluğu tərəfindən araşdırma aparılır.
