Bu gün Azərbaycanın pravoslav xristianları ən mühüm dini bayramlardan birini - Pasxanı qeyd edirlər.
Bununla əlaqədar şənbədən bazar gününə keçən gecə Bakıda və ölkənin digər bölgələrindəki pravoslav kilsələrində Pasxa mərasimləri keçirilib.
Bakıdakı Müqəddəs Jen-Mironosits Kafedral kilsəsində də bayram mərasimi qeyd olunub.
Pasxa xristianlığın ən qədim və əlamətdar bayramlarından biridir, İsa Məsihin dirilməsinin sevincinin rəmzi sayılır. Pravoslav təqviminə əsasən, bu il Pasxa günü aprelin 20-də qeyd olunur.
Məsihin “Nurlu dirilməsi” məqamında pravoslav xristianlar adətə uyğun olaraq Pasxa süfrəsində toplaşır, pasxa nemətləri və şirin çörəyi bölüşür, yumurta döyüşdürür və bir-birilərini “Məsih dirildi” sözləri ilə salamlayırlar.
Azərtac-a istinadən Azərbaycan pravoslavlarının Pasxa bayramından görüntüləri təqdim edirik:
