Gəncədə qohumlar arasında mübahisə baş verib, yaralananlar var.
“Qafqazinfo” bildirir ki, hadisə şəhərin Məhsəti qəsəbəsində qeydə alınıb.
Belə ki, mübahisə zəminində 1980-ci il təvəllüdlü Əli Alışanov bıçaqlanıb, daha sonra isə balta ilə xəsarət alıb.
Onun həyat yoldaşı Aynur Alışanova və 25 yaşlı oğlu Alim Alışanov isə döyülərək bədən xəsarətləri alıblar.
İlkin məlumata görə, onlar qudaları ilə aralarında yaranmış mübahisə zəminində yaralanıblar. 45 yaşlı Ə.Alışanovun vəziyyəti ağır qiymətləndirilir.
Həmçinin mübahisə zamanı qarşı tərəfdən 1966-cı il təvəllüdlü Zakir Sadıqov və onun oğlu, 1999-cu il təvəllüdlü Elşən Sadıqov da xəsarət alıblar.
Daxili İşlər Nazirliyi Mətbuat Xidmətinin Gəncə Regional qrupunun inspektoru polis mayoru Eşqin Qasımov bildirib ki, hadisəni törətməkdə şübhəli bilinən 59 yaşlı Zakir Sadıqov saxlanılıb: “Faktla bağlı Gəncə BPİ-də cinayət işi başlanıb. Hazırda hadisənin motivləri və digər halların müəyyən edilməsi istiqamətində araşdırmalar davam etdirilir”.
