Tanınmış iş adamı, “Ultra Company” şirkətinin baş direktoru Məhəmməd Zülfüqarlının oğlu faciəvi şəkildə vəfat edib.
“Qafqazinfo” bildirir ki, bu barədə onun yaxınları məlumat veriblər.
Qeyd olunub ki, iş adamının oğlu 2007-ci il təvəllüdlü Toğrul Zülfüqarlı Bakının Nəsimi rayonunda yaşadığı çoxmərtəbəli binadan bədbəxt hadisə nəticəsində yıxılıb. O, aldığı xəsarətlərdən dünyasını dəyişib.
Qeyd edək ki, Məhəmməd Zülfüqarlı həm də informasiya texnologiyaları üzrə tanınmış mütəxəssis və təlimçidir.
Hadisə ilə bağlı Nəsimi Rayon Prokurorluğunda araşdırma aparılır.
