Türkiyədə "qırmızı bülleten"lə beynəlxalq axtarışda olan Azərbaycan vətəndaşı A.J. Mersin şəhərində jandarma tərəfindən tutulub.
Bu barədə DHA xəbər yayıb.
Bildirilir ki, vilayət üzrə Jandarma Cinayət Axtarış Qrupu (JASAT) A.J.-nin Antalyadan Mersinə gələcəyi barədə operativ informasiya əldə edib. Məlumat əsasında Silifke rayonunda şübhəliyə məxsus avtomobil saxlanılıb və xüsusi əməliyyatla A.J. həbs olunub.
Şübhəli, jandarmadakı əməliyyat-istintaq tədbirləri başa çatdıqdan sonra ekstradisiya prosesi çərçivəsində Türkiyə Miqrasiya Məsələləri üzrə Baş İdarəsinə təhvil verilib.
