Heydər Əliyev adına Hərbi Akademiyanın kursantı itkin düşüb.Bu barədə APA-ya kursantın qohumu Adil Babaşov məlumat verib.
A.Babaşov bildirib ki, qohumu - 2000-ci il təvəllüdlü Hüseynli Vüsal Elşən oğlu fevralın 13-ü akademiyaya getmək üçün yaşadığı Sumqayıt şəhərindən Bakıya yola düşüb.
Bundan sonra ondan xəbər olmayıb. Məlumata görə, Vüsal Hüseynlini sonuncu dəfə metronun “28 May” stansiyasından çıxarkən görüblər.
Məsələ ilə bağlı Sumqayıt Şəhər Polis İdarəsinə məlumat verilib.
Onu görən şəxslərdən 055 791 65 33 nömrəsinə məlumat vermələri xahiş olunur.
Senzor.az bildirir ki, bir az əvvəl məsələ ilə bağlı Müdafiə Nazirliyi də açıqlama yayıb. Açıqlamada deyilir ki, Heydər Əliyev adına Azərbaycan Ali Hərbi Məktəbinin kursantı Hüseynli Vüsal Elşən oğlunun tapılması məqsədilə Müdafiə Nazirliyinin Hərbi polis idarəsi aidiyyəti hüquq-mühafizə orqanları ilə axtarış tədbirləri həyata keçirir.
