Yevlaxda bir ailənin 5 üzvü dəm qazından zəhərlənib.
APA xəbər verir ki, hadisə nəticəsində 1959-cu il təvəllüdlü Məhəmməd İsmayılov ölüb.
Digər 4 nəfər - 1987-ci il təvəllüdlü Pənahı İsmayılov, 2005-ci il təvəllüdlü İ.İsmayılzadə, 2007-ci il təvəllüdlü G.İsmayılzadə, 1982-ci il Mahir İsmayılov xəstəxanaya yerləşdirilib.
Faktla bağlı araşdırma aparılır.
Yevlax Rayon Mərkəzi Xəstəxanasından verilən məlumata görə, yanvarın 22-də saat 06:10 radələrində 4 nəfər şəxs (3-ü kişi və 1-i qadın) Yevlax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlara dəm qazından zəhərlənmə diaqnozu təyin edilib.
Pasiyentlərdən 2005-ci il və 1987-ci il təvəllüdlü şəxslərin vəziyyətləri qənaətbəxş qiymətləndirilib və onlar ambulator müalicə üçün evə buraxılıblar. 1982-ci il və 2007-ci il təvəllüdlü şəxslər isə Reanimasiya şöbəsinə yerləşdirilib, hazırda vəziyyətləri ağır olaraq qiymətləndirilir.
