Gəncədə yaşayış evində yanğın olub.
“Qafqazinfo” xəbər verir ki, hadisə şəhərin Ələkbər Seyfi küçəsində, Yeni Gəncə yaşayış massivində qeydə alınıb.
İlkin məlumata görə, fərdi yaşayış evinin bir hissəsi yanıb. Ev sahibi - 1960-cı il təvəllüdlü Zaur Məmmədov tüstüdən zəhərlənərək ölüb.
Hazırda alovun qarşısı alınıb. Hadisə yerinə hüquq-mühafizə orqanlarının əməkdaşları cəlb olunub.
