Paytaxtda mənzildə kişi meyiti aşkarlanıb.Senzor.az bildirir ki, bu barədə Fövqəladə Hallar Nazirliyindən (FHN) məlumat verilib.
Qeyd olunur ki, nazirliyin "112" qaynar telefon xəttinə Yasamal rayonunda 1 nəfərin mənzildə bağlı qapı arxasında köməksiz vəziyyətdə qaldığı barədə məlumat daxil olub. FHN-in hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1955-ci il təvəllüdlü Nəcəfov Əli Aydın oğlunun meyitini aidiyyəti üzrə təhvil veriblər.
