Rusiyada yaşayan azərbaycanlı bloqer Hüseyn Həsənov Bakıda izləyiciləri ilə görüşüb.Senzor.az bildirir ki, paytaxtdakı ticarət mərkəzlərindən birində keçirilən görüşdə böyük izdiham yaşanıb.
Bloqerlə görüşə gələn yüzlərlə fanatın görüntüsü sosial şəbəkələrdə müzakirə obyekti olub. Amma görüş zamanı izdihamla yanaşı, xoşagəlməz durum da yaşanıb. Belə ki, səhnədə olan şəxslər Hüseyn Həsənov üçün ora toplaşan fanatları qayışla vurublar. Sosial şəbəkədə bunu əks etdirən görüntülər də yer alıb.
Bloger izdihamdan mühafizəçilərin köməyi ilə uzaqlaşdırılıb.
Xatırladaq ki, bundan öncə də Hüseyn Azərbaycanda sevənləri ilə görüşəndə belə izdiham müşahidə olunmuşdu.
