İki gənc qız metronun “20 Yanvar” stansiyasının qatar yoluna düşərək tunel istiqamətində qaçıblar. Senzor.az bildirir ki, bu barədə “Bakı Metropoliteni” QSC-dən məlumat verilib.
Bildirilib ki, dərhal “20 Yanvar-İnşaatçılar” mənzilindən yüksək gərginlik çıxarılıb. Stansiya növbətçisi və polis əməkdaşının səyi nəticəsində hər iki sərnişin yaxalanıb və təhlükəsiz şəraitdə müşayiətlə “20 Yanvar” stansiyasına çıxarılıb. Qatarların hərəkəti bərpa olunub.
Bu hadisə səbəbindən xətlərdə ümumilikdə 6 dəqiqə yubanma yaranıb.
