Şəmkir Rayon İcra Hakimiyyətinin başçısı Rəşad Tağıyev Təzəkənd kəndində sakinlərlə səyyar qəbul keçirib.Qəbuldan öncə icra başçısı torpaqlarımızın müdafiəsi zamanı canından keçərək şəhidlik zirvəsinə yüksələn kənd sakinlərinin məzarlarını ziyarət edib, önünə gül dəstləri düzüb.
Sonra R.Tağıyev rayonun idarə, müəssisə və digər xidmət təşkilatlarının rəhbərlərinin iştirakı ilə kənd sakinləri ilə səyyar qəbul–görüş keçirib. 
İcra Hakimiyyətinin başçısı kənd sakinləri qarşısında çıxış edərək Prezident İlham Əliyevin müvafiq tapşırıqlarına uyğun olaraq Şəmkir rayonunda görülən geniş abadlıq-quruculuq işləri və həyata keçirilən irimiqyaslı sosial infrastruktur layihələri barədə ətraflı məlumat verib. 
Daha sonra sakinlərin arzu və təklifləri dinlənilib, səsləndirdikləri problemlər yerindəcə araşdırılaraq həlli ilə bağlı göstəriş verilib. Həlli vaxt tələb edən məsələlər isə nəzarətə götürülməklə aidiyyəti təşkilat rəhbərlərinə müvafiq tapşırıqlar verilib. Qabil YUSİFOĞLU, “Xalq qəzeti”
