Mayın 25-də saat 09 radələrində Bərdə rayonunun Hacallı kənd sakini, 1995-ci il təvəllüdlü Xasa Orucovanın yaşadığı evdə öldürülməsi barədə rayon prokurorluğuna məlumat daxil olub.
Senzor.az Bərdə Rayon Prokurorluğuna istinadən bildirir ki, aparılan ilkin araşdırmalarla zərərçəkmişin əri, 1996-cı il təvəllüdlü Təbriz Orucov tərəfindən şəxsi münasibətlər zəminində aralarında yaranmış mübahisə zamanı ov tüfəngindən açdığı atəşlə qəsdən öldürülməsinə əsaslı şübhələr müəyyən edilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Təbriz Orucov şübhəli şəxs qismində tutularaq istintaqa cəlb edilib.
Hazırda cinayət işi üzrə zəruri istintaq tədbirləri davam etdirilir.
